منتديات السويسرى



 
الرئيسيةس .و .جبحـثالتسجيلدخول

شاطر | 
 

 فاكر؟؟؟

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
حبيب الروح
بيبى
بيبى


المساهمات : 23
التسجيل : 02/12/2009
ذكر

مُساهمةموضوع: فاكر؟؟؟   4/12/2009, 8:50 am


السلام عليكم ورحمة الله وبركاته ،، ازيكم يا احلى ناس ، يارب تكونوا تمام

تعالوا معاية كدة ربعاية ساعة نقلب في الذكريات القديمة ، والتواريخ والايام والاحداث الي فاتت من فترة سواء صغيرة او كبيرة ، بشرط نفتكر الاحداث الجميلة بسسسس
نحاول نفتكر ولو مفتكرناش ، مش مهم المهم اننا حاولنا ، ومش شرط قمة الدقة ، ممكن نستخدم كلمة تقريبا او غالبا او حوالي ،، الخ ،، اوكي

يلا نبدا نفتكر

فاكر ؟؟

فاكر اول يوم تروح المدرسة ؟؟
مين الي وصلك ؟ كان احساسك ايه ساعتها ؟ كان معاك سندوتشات ايه ؟ كانت مدرسة ايه اصلا ؟

فاكر اجمل هدية جات لك ؟؟
كانت من مين ؟ وايه المناسبة ؟ وكان امتى ؟ وكانت الهدية دي ايه ؟

فاكر اول واحد اتصاحبت عليه في الكلية ؟؟
كان مين الشخص دة ؟ واتعرفت عليه ازاي ؟ لحد النهاردة على علاقة بيه ولا لا ؟ كان احساسك ايه يومها انك في اول يوم في الجامعة ؟

فاكر اول هدية جبتها لشخص عزيز عليك جدا ؟؟
كانت ايه ؟ وكانت لمين لو امكن تقول لنا ؟ وايه المناسبة ؟ وامتى ؟

فاكر اجمل فرح حضرته وعمرك ما نسيته ؟؟
كان فرح مين ؟ وامتى ؟ وكان فين الفرح دة ؟

فاكر اكتر نصيحة والدك ( او والدتك ) قالها لك وعمرك مانسيتها ؟؟
كانت ايه النصيحة دي ؟ وايه المناسبة ؟ وياترى عملت بيها ولا لا ؟ وهل هتنصحها لاولادك ولا لا ؟ وليه ؟

فاكر اول موضوع رديت عليه لما دخلت النوليميت ( غير عرف نفسك ) ؟؟ هههههههههه
كان موضوع مين الي كتبه ؟ وايه عنوانه ؟ وايه كان ردك عليه ؟

فاكر اول موضوع حطيته في نوليميت ؟؟
كان ايه ؟ ومين اول حد رد عليك ؟ وكان ايه رده ؟

فاكر اول مرة انتبهت فيها للصلاة بجد ؟؟
كان ايه الموقف ؟ وكان امتى ؟ وكان انهي فرض لو امكن ؟

فاكر فصلك في تالتة اعدادي ؟؟
كان في الدور الكام ؟ وكنت قاعد في الصف الكام بعد السبورة ؟ ومين كان قاعد جنبك ؟ وكانت مدرسة ايه ؟

فاكر اول مرة شوفت فيها صاحبك الانتيم ؟؟
كان فين ؟ وايه الموقف ؟ امتى ؟

فاكر اجمل يوم عدى عليك في حياتك ؟؟
كان يوم ايه ؟ وايه المناسبة ؟ وامتى ؟ ومين كان معاك في اليوم دة ؟

فاكر اول موبايل جالك ؟؟
كان نوعه ايه ؟ ولونة ؟ وامتى جالك ؟ ومين الي جابهولك ؟

فاكر اجمل لعبة كانت عندك وانت صغير ؟؟
كانت ايه ؟ ومين الي جابها لك ؟ وياترى موجودة لحد النهاردة ولا مصيرها مصير باقي لعب الاطفال ( الحطام والتكسير ) ؟

فاكر اجمل ذكرى في حياتك ؟؟ اكيد والا متبقاش ذكرى ههههه
ايه هيا اجمل ذكرى فاكرها ؟ تاريخها ؟ فاكرها على طول ولا في تاريخها بس ؟

فاكر اول يوم جبت فيه الكمبيوتر ؟؟
كان امتى ؟ كنت متعلم فيه حاجة ولا كنت لسة هتتعلم ؟ ايه اول حاجة اتعلمتها عليه ؟ وجبته منين ؟

فاكر اول مرة سافرت فيها القاهرة لوحدك من غير حد كبير ؟؟
كنت مسافر ليه ؟ وكنت خايف ولا لا ؟ روحت امتى ورجعت امتى ؟ مين كان معاك ولا كنت لوحدك ؟

فاكر اول تكريم اتكرمته ؟؟
كان تكريم ايه ؟ وكان فين ؟ وامتى ؟ وايه الهدية الي اخدتها في التكريم دة ؟

فاكر اجمل رحلة طلعتها في حياتك ؟؟
كانت لفين ؟ ومين راحها معاك ؟ وكانت امتى ؟ رحتها تاني ولا لا ؟

فاكر اول مرة في حياتك تغيب عن البيت فترة طويلة تتعدى يومين ؟؟
كنت فين ( عند حد من اقاربك ولا مصيف ولا رحلة ؟ وكان امتى ؟ وكنت مع مين من اسرتك ولا لوحدك ؟

وأخيرا !!! فاكر اجمل كلمة اتقالت لك في حياتك ؟؟
كانت من مين ؟ وايه المناسبة ؟ وايه الكلمة او الجملة دي ؟ وامتى ؟

فاكر ؟؟ ولا كفاية كدة لحسن دائما بتشتكوا اني مواضيعي طويلة ومتعبة هههههههههههه
يارب الموضوع يكون عجبكم ،، واشوف مشاركتكم
الرجوع الى أعلى الصفحة اذهب الى الأسفل
دلوعة المسافر
.
.


المساهمات : 978
التسجيل : 04/08/2010
انثى

مُساهمةموضوع: رد: فاكر؟؟؟   6/12/2011, 12:18 am





الرجوع الى أعلى الصفحة اذهب الى الأسفل
http://mouradfawzy.yoo7.com/
 
فاكر؟؟؟
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات السويسرى :: §¤~¤§(• المنتدى الادبى •)§¤~¤§ :: قسم النثر والشعر والخواطر-
انتقل الى: